वि दे ह विदेह Videha বিদেহ http://www.videha.co.in विदेह प्रथम मैथिली पाक्षिक ई पत्रिका Videha Ist Maithili Fortnightly e Magazine विदेह प्रथम मैथिली पाक्षिक ई पत्रिका नव अंक देखबाक लेल पृष्ठ सभकेँ रिफ्रेश कए देखू।
प्रभाष अकिंचन
भरोस
********
एकटा झुनकूट वृद्ध बाप धड़फराएल हुलसि क'
एटीएम में घुसलाह. एटीएम कार्ड बेर-बेर मशीन में घुसबैत आ निकालैत बड़बड़ाईत बजलाह....
ऐहन भइये नहिं सकैत छै....
... कहीं एटीएम कार्ड त' नहिं खराप भ' गेलै...
फेर कार्ड के बेर-बेर पोछैत आ मशीन में लगाबैत.....
वृद्ध पसीने पसीने त'र-बतर आ परेशान होइत फुसफुसाइत... ऐहन त' भइये नहिं सकैत छै....
बगल में बैसल गार्ड पुछि उठल... की भेल बाबा...
वृद्ध बजलाह... हो बेटा कहने रहय दवाई लेल पैसा पठा देब...एक हफ्ता स' रोज एटीएम में अबै छी... आई पूछलियै त' कहलक आई निश्चित पठा देब... हमर बेटा ऐहन नहिं अछि..
कहलक त' जरूर पठौने होयत...
गार्ड बाजल... पाई नहिं पठौने होयत... मशीन ठीक छै... खाता में पाई रहत तखने न निकलत
... जाऊ बाबा घर जाऊ...
वृद्ध कल्पैत बाहर निकललाह... पता नहिं की भेलै... आब की हेतई... एक हफ्ता स' दवाई छुटल अछि... बजैत बजैत दम्म फुलय लगलन्हि....
#प्रभाष_अकिंचन
अपन मंतव्य editorial.staff.videha@gmail.com पर पठाउ।